Կենգուրուն փրկել է անտառում մոլորված երեխային ցրտահարումից

Aysor.am-ը գրում է.

Ավստրալիայում կենգուրուն փրկել է անտառում մոլորված 7-ամյա Սայմոն Կրյուգերին:

Topnews.ru-ի փոխանցմամբ` 7-ամյա երեխան կորել էր Դիպ-Կրիկ արգելոցում, իսկ այս ամիսներին արգելոցում ջերմաստիճանը գիշերները հասնում է -6-ի:

Տղայի ծնողները դիմել են ոստիկանություն` իրենց երեխային գտնելու խնդրանքով: Սայմոնին գտնելու համար օգտագործվել է ուղղաթիռ: Մեկ օր տևած որոնողական աշխատանքներից հետո` նրան հայտնաբերել են անտառում:

Երեխան հայտարարել է, որ քնել է ծառի վրա, կողքին եղել է մի կենգուրու, որը չի թողել, որ նա սառչի: