Հայտարարություններով միայն գործող գեներալակույտի տեղը աղբանոցն է, ուր էլ նրան ուղարկում է շատ ավելի վճռական ու անամոթ աղբապետը․ Հայկ Մարտիրոսյան

Երկրորդ անգամ սեփական անգործության, սեփական հիմարության և սեփական երկչոտության պատճառով:

Ուրիշ ոչ ոքի մի մեղադրե´ք: Հայտարարություններով միայն գործող գեներալակույտի տեղը աղբանոցն է, ուր էլ նրան ուղարկում է շատ ավելի վճռական ու անամոթ աղբապետը:

Ոչինչ որ դրա հետ միասին աղբանոց է ուղարկվում նաև ժողովուրդն ու երկիրը: Ոչինչ որ այլևս Հայաստանում խստագույն բռնատիրություն է լինելու: Բոլորս էլ արժանի ենք դրան: Մենք ենք հոժար և համաձայն եղել դրան, մենք էլ դա ստանում ենք:

Դեռևս ամեն ինչ չէ կորսված սակայն: Դեռ չի մեռել հույսը, որ մինչ այս պահը իրեն ամենաանհեթեթ ու ամենաանվճռական կերպով պահած գեներալիտետը վերջապես կհիշի, որ զինվորական է և որ պարտք ունի ապահովելու երկրի անվտանգությունը: