Լուկաս Վասկեսը որոշում է կայացրել ապագայի վերաբերյալ


00:11 , 2 մարտ, 2021

Armsport.am-ը գրում է․

«Ռեալի» կիսապաշտպան Լուկաս Վասկեսը, ում գործող պայմանագիրն ավարտվում է ընթացիկ մրցաշրջանից հետո, որոշում է կայացրել իր ապագայի վերաբերյալ։

Cope-ի փոխանցմամբ՝ իսպանացի խաղացողը որոշել է ամառային տրանսֆերային պատուհանի ընթացքում հեռանալ «Ռեալից»։ Վասկեսը «ոչ» է ասել «արքայական» ակումբի հետ պայմանագիրը երկարաձգելու առաջարկին։

Ավելի վաղ լուրեր էին շրջանառվում, որ Վասկեսը ցանկանում է նոր պայմանագրով ավելի շատ գումար վաստակել, սակայն առկա ֆինանսական խնդիրները թուլ չեն տալիս ակումբին գնալ այդ քայլին։

Վասկեսը «Ռեալում» հանդես է գալիս 2015 թվականից։