Իրանը երկրի հարավ-արևմուտքում լայնամասշտաբ զորավարժություններ է անցկացնում
17:46 , 11 փետրվար, 2021Tert.am-ը գրում է.
Իրանի Իսլամական հեղափոխության պահապանների կորպուսը լայնամասշտաբ զորավարժություններ է սկսել երկրի հարավ-արևմուտքում:
Այս մասին հայտնում է Իրանի պետական հեռուստատեսությունը՝ հղում անելով ԻՀՊԿ ցամաքային զորքերի հրամանատար Մոհամադ Պակպուրի հայտարարությանը, գրում է Mehr գործակալությունը:
Պակպուրի խոսքերով` «Մեծ մարգարե 16» անվանումը ստացած զորավարժություններին մասնակցելու են ցամաքային զորքերի բրիգադները:
Զորավարժությունները կիրականացվեն օդից անօդաչու թռչող սարքերի և ուղղաթիռների աջակցությամբ՝ ցամաքային ուժերի մարտական և պաշտպանական պատրաստվածության մակարդակը ստուգելու համար, ասել է Պակպուրը՝ հավելելով, որ մասնակցելու են նաև հատուկ նշանակության ջոկատներ, հրետանային բրիգադներ, զրահատանկային ստորաբաժանումներ և ավիացիա: