Անգլիական նախաճաշ. Բարի լույս

Ladynews.am-ը գրում է.

Անգլիական ոճով պարզ ու համեղ այս նախաճաշը կգոհացնի յուրաքանչյուրին: Այն կարող եք շատ արագ պատրաստել` խնայելով Ձեր ժամանակը ու միևնույն ժամանակ գոհացնելով նրանց, ում համար այն կպատրաստեք:

Անհրաժեշտ մթերքներն են`

2 հատ ձու

2 հատ խոզապուխտ

2 հատ երշիկ

1 հատ լոլիկ

2 ճաշի գդալ բանջարեղենով մարինացված լոբի

2 կտոր հաց

Պատրաստման եղանակը.

Խոզապուխտը տապակեք չոր թավայի մեջ, հետո այն հանեք, և խոզապուխտից մնացած այդ յուղի մեջ տապակեք նաև երշիկը: Երկու ձուն ձվածեղ արեք: Վերջում բոլորը տեղադրեք մեկ ափսեի մեջ, հետո կիսեք լոլիկը, ինչպես նաև ջեռոցի մեջ տաքացրեք մարինացված լոբին, և այդ ամենը նույնպես դրեք ափսեի մեջ: Զարդարեք կանաչիով և մատուցեք:

Բարի ախորժակ: