Փաշինյանը կրկին ստել է՝ ասելով, թե ավելի քիչ հողային կորուստներով պատերազմը կանգնեցնելու ոչ մի հնարավորություն չի ունեցել. ՓԱՍՏԵՐ (Video)
21:37 , 20 հունվար, 2021Նիկոլ Փաշինյանն այսօր հայտարարել է, թե ավելի քիչ հողային կորուստներով պատերազմը կանգնեցնելու ոչ մի հնարավորություն չի ունեցել: «Դա միֆ է: Միֆ է նաև, որ մենք պատերազմը կանգնեցնելու ուղղությամբ քայլեր չենք ձեռնարկել»,-ասել է նա:
Հիշեցնենք, որ ՌԴ նախագահը հայտնել էր, որ հոկտեմբերի 19-ին իրեն հաջողվել էր համոզել Ալիևին կանգնեցնել պատերազմը, սակայն իր համար անակնկալ ձևով Փաշինյանը չէր համաձայնել՝ ասելով «մենք շարունակելու ենք պատերազմել»:
Պուտինի խոսքով՝ Ալիևն առաջ էր քաշել ադրբեջանցի փախստականների՝ Շուշի վերադարձի նախապայման, բայց նույնիսկ այդ դեպքում Շուշին մնալու էր Արցախի կազմում:
Նշենք, որ այս ընթացքում հրապարակվել են նաև պատերազմը դադարեցնելու դիմաց Փաշինյանին առաջարկված մի շարք փաստաթղթեր, որոնք եղել են շատ ավելի հայանպաստ, քան այն կապիտուլյացիայի ակտը, որը նա ստորագրեց ժողովրդից գաղտնի:
Mediaport-ը ներկայացնում է Փաշինյանի և Պուտինի հայտարարությունների տեսագրությունը: