Քեյնն արձագանքել է Ռունիի՝ կարիերան ավարտելու որոշմանը
23:51 , 15 հունվար, 2021Armsport.am-ը գրում է․
«Տոտենհեմի» և Անգլիայի հավաքականի հարձակվող Հարի Քեյնը «Թվիթերի» իր էջում մեկնաբանել է Ուեյն Ռունիի՝ ֆուտբոլիստի կարիերան ավարտելու որոշումը: Ազգային թիմի ներկայիս ավագը շնորհակալություն է հայտնել նախկին ավագին՝ տված փորձի համար.
«Շնորհավորում եմ հիանալի կարիերա ունենալու առթիվ, Ուեյն Ռունի: Շատ հաճելի էր հավաքականում քեզ հետ խաղալն ու քեզնից սովորելը: Ամենալավն եմ մաղթում մարզչական կարիերայում»,- գրել է Քեյնը:
«Դերբի Քաունթիի» հարձակվող Ուեյն Ռունին, որը վերջին 2 ամիսների ընթացքում կատարում էր նաև թիմի գլխավոր մարզչի պարտականությունները, ավարտել է կարիերան և պաշտոնապես հաստատվել է գլխավոր մարզչի պաշտոնում: Նա թիմի հետ 2,5 տարվա պայմանագիր է կնքել: