Panorama.am-ը գրում է․
«Իմ քայլը» խմբակցության հանդիպումը վարչապետ Նիկոլ Փաշինյանի հետ հերթական հանդիպումներից էր, որը սովորաբար ամսական անցկացնում ենք՝ ըստ նպատակահարմարության։ Այս մասին ԱԺ-ում լրագրողների հետ հանդիպմանն ասաց է «Իմ քայլը» խմբակցության ղեկավար Լիլիթ Մակունցը։
«Հանդիպումը նվիրված էր հունվարի 11-ի մոսկովյան այցին, ինչպես նաև քաղաքական թիմի առաջիկա անելիքներին։ Մոսկովյան այցի հետ կապված հիմնականում այն է, ինչ պաշտոնապես շրջանառվել է։ Մյուս հատվածների հետ կապված մեկնաբանություն չունեմ»,- նշեց Մակունցն ու հավելեց, որ առաջիկա անելիքները կլինեն հրապարակային։