Գիտնականներին հաջողվել է երիկամ աճեցնել

Aysor.am-ը գրում է.

Ամերիկացի գիտնականներին հաջողվել է առաջին անգամ ամբողջովին աճեցնել երիկամ: 

Ցողունային բջիջներից աճեցված երիկամը հաջողությամբ փոխպատվաստել են առնետին: Վիրահատությունն անցել է հաջողությամբ և պատվաստված երիկամը բնականոն գործում է:

Եթե մեթոդի արդյունավետությունն ապացուցվի, մոտ ապագայում երիկամի դոնոր փնտրելու կարիք չի լինի այլևս: Հիվանդի համար երիկամ կաճեցնեն իր իսկ ցողունային բջիջներից:

Ինչպես նշվում է, գիտնականները նման փորձարկումներ շատ են արել. աճեցրել են տարբեր օրգաններ ու նույնիսկ մարդկանց դրանք պատվաստել, սակայն հաջողության չեն հասել: 

Այս դեպքից հետո, գիտնականների առջև նոր հնարավորություններ են բացվում: