«Կորոնավիրուսի նոր մուտացիան հայտնաբերել է եվրոպական 8 երկրներում»․ ԱՀԿ ներկայացուցիչ
00:00 , 26 դեկտեմբեր, 2020Կորոնավիրուսի նոր մուտացիան հայտնաբերել է եվրոպական ութ երկրներում, հայտարարել է Առողջապահության համաշխարհային կազմակերպության տարածաշրջանային բյուրոյի ղեկավար Հանս Կլյուգեն:
«Կենսական նշանակություն ունի գործող պաշտպանական միջոցների ուժեղացումը»,- Twitter-ում գրել է նա։
ԱՀԿ-ի ներկայացուցիչը հավելել է, որ նոր մուտացիան, հավանաբար, տարածվում է երիտասարդ տարիքային խմբերի շրջանում: Նա ընդգծել է, որ անհրաժեշտ է զգոնություն դրսևորել, քանի դեռ շարունակվում է COVID-ի նոր տարբերակի ուսումնասիրությունը:
Օրերս հաղորդվել էր, որ Մեծ Բրիտանիայում կորոնավիրուսի նոր տեսակ է հայտնաբերվել։ Ինչպես նշել է ԱՀԿ-ն, այն շատ արագ է տարածվում, սակայն չի համարվում ավելի վտանգավոր։