Իմ անունով բացվել է կեղծ պրոֆիլ․ ՊՈԱԿ-ի նորանշանակ տիկնոջը զգուշացնում եմ, որ ինքը շատ անփառունակ վախճան է ունենալու, եթե շարունակի իր նախորդների հակահիգիենիկ գործը․ Նաիրա Զոհրաբյան

Ընդդիմության գործողությունների ակտիվացմանը զուգահեռ Նիկոլը մի այլ էնտուզիազմով ակտիվացրել է իր ֆեյք զորամիավորումները:

Հարգելի հայրենակիցներ, տեղեկացնեմ, որ իմ անունով բացվել է կեղծ պրոֆիլ և հորինվում են տարբեր մարդկաց հետ, իբր, մեսենջեր հավելվածով զրույցներ ու երեւի ՊՈԱԿ-ի նորանշանակ կին դիջեյի հրահանգով ողջ այդ աղտեղությունը տարածում են իրենց կոյուղամեդիաներով: Տեղեկացնեմ, որ իմ ֆեյսբուքյան պաշտոնական էջը «Ֆեյսբուք» սոցիալական ցանցի կողմից պաշտոնապես պաշտպանված է կապույտ գույնի նշագրմամբ և իմ անունով ցանկացած այլ պրոֆիլ կեղծ է, ինչպես որ կեղծ էր թե՛ այսօր, եւ կեղծ է լինելու թե՛ վաղը և թե՛ որևէ օր հորինվող երկխոսություն իմ անունից: