Մհեր Գրիգորյանը մեկնում է Ռուսաստան. վարչապետին հաշվետվություն կներկայացվի

ՀՀ փոխվարչապետ Մհեր Գրիգորյանը դեկտեմբերի 17-19-ը կգործուղվի Ռուսաստանի Դաշնություն. որոշումը ստորագրել է վարչապետ Նիկոլ Փաշինյանը։

Գրիգորյանը մեկնում է Մոսկվա՝ հայ-ռուսական տնտեսական համագործակցության օրակարգին առնչվող հարցերը քննարկելու նպատակով։

Փոխվարչապետը դեկտեմբերի 17-ին կլինի Սանկտ Պետերբուրգում, ապա՝ Մոսկվայում։

Մհեր Գրիգորյանը գործուղումից վերադառնալուց հետո եռօրյա ժամկետում Հայաստանի Հանրապետության վարչապետին կներկայացնի Ռուսաստանի Դաշնություն գործուղման արդյունքների մասին հաշվետվությունը: