Իմքայլական պատգամավորները Փաշինյանի հրաժարականը պահանջող շրջանակներին համարում են ժողովրդի ընդամենը մեկ հատված
12:11 , 11 դեկտեմբեր, 2020Aysor.am-ը գրում է․
Վարչապետ Նիկոլ Փաշինյանի հրաժարականը պահանջող ընդդիմությունը, նախկին և ներկա նախագահները, երկու Վեհափառները, հասարակական-քաղաքական, մշակութային շրջանակները և հասարակությունն ընդամենը ժողովրդի մի հատվածն է, խորհրդարանական ճեպազրույցների ժամանակ ասաց ԱԺ «Իմ քայլը» խմբակցության պատգամավոր Բաբկեն Թունյան՝ պատասխանելով հարցին, թե իշխանության համար ինչ արժեք է ներկայացնում նշված շրջանակների պահանջը:
Իմքայլական պատգամավոր Համազասպ Դանիելյանն իր հերթին ավելացրեց, որ ժողովրդի տարբեր հատվածներ կարող են տարբեր բաներ պահանջել, և պահանջները կարելի է ստուգել միայն ընտրություններով:
Հարցին՝ համարո՞ւմ են, որ կա Փաշինյանի հրաժարականաի հանրային պահանջ, Դանիելյանը պատասխանեց՝ իր համար արժեքավոր է ՀՀ յուրաքանչյուր քաղաքացու պահանջն ու ակնկալիքը, սակայն ինքը գնահատում է այն քաղքացիներին, որոնք նման պահանջմունք ներկայացնում են ինքնուրույն, այլ ոչ՝ որևէ մեկից ուղղորդված: