Ժողովո՛ւրդ ջան, էս գեներալներին մի տվեք ձեր երեխեքին, տանեն տան թուրքի բերան, իրանք փախնեն. անհայտ կորածի հարազատ
14:12 , 10 դեկտեմբեր, 2020Aysor.am-ը գրում է․
Թոռնիկիս հարցնում եմ՝ քեզ ինչ առնեմ, ասում է՝ «պապի, ավտոմատ առ, գնանք պապայիս հետ թուրքերին կրակենք», դիմելով Էջմիածնի զորամասի փոխգնդապետներից մեկին՝ ասաց անհայտ կորած զինծառայողի տարեց հարազատներից մեկը:
«Ես Պաշտպանության նախարարին եմ ասում՝ որոշ գեներալների պագոնները պոկեն, քցեն զիբիլանոցը: Ժողովո՛ւրդ ջան, էս գեներալներին մի տվեք ձեր երեխեքին, տանեն սպանեն, տանեն տան թուրքի բերան, իրանք փախնեն: Մի տվեք, ավելի լավ ա էթան էրկու տարի նստեն, բանակ չգնան: Ի՞նչ բանակ: Գեներալ-լեյտենանտը չոբանա, երեխեքին տարավ կորցրեց», - ասաց զայրացած տարեց տղամարդը:
Փոխգնդապետն իր հերթին լրագրողների հետ զրույցում հավաստիացրեց, որ մինչև վերջ եղել է իր զինվորների հետ: