Կուբայում կեղծ ռոմից մահացել է 11 մարդ

1in.am-ը գրում է.

11 մարդ է մահացել Հավանայում՝ թունավորվելով կեղծ ռոմից, իսկ չորս տուժածների վիճակը ծայրահեղ ծանր է: Հիվանդանոցում են ևս 60 մարդ համանման ախտանիշերով: 

Արտակարգ իրավիճակ է տեղի ունեցել Լա-Լիսայում: Դեղագործության ինստիտուտի երկու աշխատակիցներ պահեստից մեթանոլ են գողացել և վաճառել Լա-Լիսայի բնակչուհիներից մեկին: Վերջինս դա իր հաճախորդներին է վաճառել ռոմի անվան տակ: Կնոջ անունը հետաքննության շահերից ելնելով՝ չի հրապարակվում: 

Մեթանոլը ախտահարում է նյարդային համակարգը և մարդու սրտանոթային համակարգը: Այդ սպիրտի գլխավոր հատկություններից մեկն էլ այն է, որ հոտով այն չի տարբերվում էթիլ սպիրտից: