Վրաստանն, Ադրբեջանն ու Թուրքիան ռազմական կոալիցիա են ստեղծում

Aysor.am-ը գրում է.

Վրաստանը, Ադրբեջանը և Թուրքիան պատրաստվում են ռազմական արդյունաբերությունում եռակողմ համագործակցության ձևաչափ ստեղծել: Այս մասին գրում է regnum.ru-ն՝ հղում անելով Վրաստանի պաշտպանության նախարար Իրակլի Ալասանիայի հայտարարությանը:

Նշենք, որ նախօրեին Ալասանիան EurasiaNet-ի հետ հարցազրույցում ասել է, որ եկել է ժամանակը Ադրբեջանի և Թուրքիայի հետ ստեղծել համագործակցության եռակողմ մի ձևաչափ` ռազմական արդյունաբերության տեսանկյունից:

Վրաստանի պաշտպանության նախարարը նշել էր, որ առաջիկայում Վրաստանը կխորացնի ռազմական համագործակցությունը նաև Իսրայելի ու Էստոնիայի հետ: