«Ազնավու՛ր, մենք շարունակում ենք տարածել արժեքներդ ու շարունակել բարի գործերդ». «Ազնավուր» հիմնադրամը հումանիտար բեռ է տեղափոխել Հայաստան
11:00 , 30 նոյեմբեր, 2020Փարիզից հումանիտար բեռ է տեղափոխվել Երևան, այս անգամ՝ «Ազնավուր» հիմնադրամի գործընկերների, աջակիցների, սրտացավ անհատների ու Ֆրանսիայի կառավարության շնորհիվ:
«Ազնավուր հիմնադրամի» ֆեյսբուքյան էջում նշվում է․ «Ինքնաթիռի վայրէջքի ընթացքում մենք հիշում էինք, թե ինչպես Շառլ Ազնավուրը 1988 թվականի երկրաշարժից հետո անձամբ տեղափոխեց հումանիտար օգնությունը Հայաստան: Մենք շարունակում ենք տարածել արժեքներդ ու շարունակել բարի գործերդ: Քեզ համար, Հայաստա՜ն»։
Հումանիտար բեռը Հայաստան են տեղափոխել «Ազնավուր» հիմնադրամի տնօրեն Քրիստինա Ազնավուրն ու հիմնադրամի լավ բարեկամներ Ստեֆան Հասբանյանը, Յուրի և Դենիս Ջորկայեֆները։