Լուրեր են պտտվում, որ Բերձոր համայնքը, հնարավոր է, նույնպես անցնի թշնամուն. Քաշաթաղի վարչակազմի աշխատակից
17:36 , 25 նոյեմբեր, 2020Քաշաթաղի վարչակազմի աշխատակից Նելլի Թաթոսյանն իր ֆեյսբուքյան էջում գրել է՝ լուրեր են շրջանառվում, որ Բերձոր համայնքը, հնարավոր է, ի թիվս այլ համայնքների, անցնի թշնամուն։
«Լուրեր են պտտվում, որ Քաշաթաղի շրջանի Բերձոր համայնքը, հնարավոր է, նույնպես անցնի թշնամուն, մինչդեռ Նիկոլ ոչնչության ստորագրածի մեջ Բերձորը պետք է մնար որպես միջանցք։ Եթե Բերձորն էլ տվեցին, ուրեմն Արցախի բնակչությունը փաստացի մնում է «գերի»՝ 8 մետր լայնությամբ մայրուղով», - գրել է Նելլի Թաթոսյանը։