Ֆրանսիայից մարդասիրական օգնության առաջին ինքնաթիռը ժամանել է Երևան
21:33 , 22 նոյեմբեր, 2020Երևան ժամանեց Ֆրանսիայի նախագահի կողմից հայտարարված մարդասիրական օգնությունը տեղափոխող առաջին ինքնաթիռը։ Այս մասին ֆեյսբուքյան իր էջում գրել է ՀՀ-ում Ֆրանսիայի դեսպան Ջոնաթան Լաքոտը։
«Ֆրանսիայի ԱԳՆ-ի ճգնաժամային կենտրոնի կողմից վարձակալված այս ինքնաթիռը բերեց Հայաստանի առողջապահական համակարգի կարողությունները ուժեղացնելու համար բժշկական սարքավորումներ և դեղեր, ինչպես նաև առաջին անհրաժեշտության պարագաներ Հայաստանում գտնվող Լեռնային Ղարաբաղի տեղահանված անձանց համար։
Հաջորդ ինքնաթիռը կժամանի նոյեմբերի 27-ին»,- գրել է դեսպանը։