«Պատերազմի հաջորդ փուլը, որ լինելու է վաղ թե ուշ, առավել լայն և նոր լուծումներ է պահանջելու». Հայկ Մարտիրոսյան

Պատերազմի նոր փուլ է սկսվում:

Արմատական լիովին նոր վերադասավորումներ են սկսվում, այդ թվում՝ Ռուսաստան-Թուրքիա հարաբերություններում:

Առկա իրավիճակում բացառված չէ, որ Ռուսաստանն աստիճանաբար կամ կտրուկ անցնի Թուրքիայի հետ խզման գիծ:

Բացառված չէ նաև, որ չկարողանա դա անել` Հայաստանին թողնելով Թուրքիայից ուղղակի ներխուժման վտանգի առջև:

Ամեն պարագայում Հայաստանն իր դավաճանից արագորեն ազատվելուց հետո պարտավոր է շտապ վերադասավորել իր ողջ արտաքին քաղաքական համակարգը և Ռուսաստանի հետ համերաշխության և բարեկամության պահպանմամբ հավելյալ դաշնակիցներ ներգրավել Հայաստանի ռազմական վերազինմանն ու պաշտպանությանը:

Պատերազմի հաջորդ փուլը, որ լինելու է վաղ թե ուշ, առավել լայն և նոր լուծումներ է պահանջելու: Ով էլ որ լինի դաշնակիցը, անհնար է լինելու միայն մեկ դաշնակցով ծանրակշիռ պաշտպանություն ապահովել:

Այս և հավելյալ դաշնակիցներ գտնելու առումով Հայաստանի հայացքն առաջնային կարգով պետք է ուղղվի դեպի Արաբական թերակղզի: Այստեղ է Հայաստանի ահռելի սատարման այսօրվա մեծագույն պոտենցիալը:

Անհրաժեշտ է նաև շատ արագ վերակազմավորել ողջ պետական համակարգը:

Դրա միակ կենտրոնն այսօր նախագահն է: Անհրաժեշտ է այս պահին գիտակցել, որ այլևս միակ լեգիտիմ բարձրաստիճան պաշտոնյան երկրում նա է: