Նոր սիրո խոստովանություն 5000 կարմիր վարդերով
19:10 , 1 օգոստոս, 2013
Եթե հիշում եք, նախորդ ամիս ես ձեզ պատմել էի մի ինքնատիպ սիրո խոստովանության մասին, որի ընթացքում օգտագործվել էին 9000 կարմիր վարդեր: Երևի թե նման խոստովանություններն ավանդույթ դառնան, քանի որ այսօր էլ կրկին MilAni ծաղկե սրահը իրականացրել է նոր սիրո խոստովանության յուրահատուկ առաջարկ: Հսկայական կարմիր ծաղկե սիրտ` 5000 վարդերով և մոտ 120 սմ բարձրությամբ արջուկներով: Եթե ճիշտ եմ տեսնում, աղջիկ արջուկը կարծես հարսի զգեստով է, միգուցե սա ամուսնական առաջարկությո՞ւն է: Ամեն դեպքում չխառնվենք սիրող զույգի անձնական կյանքին, այլ գնահատենք սիրո նման խոստովանության տարբերակը: Համաձայնեք, որ հաճելի է բակ դուրս գալ կամ պատուհանից նայել և տեսնել նման սիրո խոստովանություն:
Դիտեք նաև` Յուրահատուկ ամուսնության առաջարկ Երևանում 9 000 ծաղիկներով:
