Ֆրանսիայի խորհրդարանի պատգամավորները հրապարակել են 2019 թ. Դադիվանք այցելության ժամանակ արված լուսանկարները և կոչ արել ՅՈՒՆԵՍԿՕ-ին միջոցներ ձեռնարկել
14:24 , 13 նոյեմբեր, 2020Ֆրանսիայի խորհրդարանի հայազգի պատգամավոր Գիլոմ Կասբարյանն իր թվիթերյան էջում հրապարակել է իր կողմից 2019 թ. Դադիվանքում արված լուսանկարներ և, ՅՈՒՆԵՍԿՕ-ին նշելով, շեշտել, որ Ադրբեջանի հսկողության տակ անցած տարածքներում քրիստոնեական մշակութային կոթողներն իրական վտանգի տակ են:
Գիլոմ Կասբարյանի գրառմամբ կիսվել է Ֆրանսիայի խորհրդարանի պատգամավոր Գի Տեսիեն, ով կից գրել է.
«Ես եմ 2019 թ. գլխավորել Արցախ մեկնած պատվիրակությունը: Ամբողջությամբ կիսում եմ իմ գործընկերոոջ կարծիքը և գտնում եմ, որ ադրբեջանական հսկողության տակ անցած տարածքներում քրիստոնեական կոթողներն ավիրման վտանգի ներքո են»:
