Էդվարդ Սնոուդենը լքել է «Շերեմետևոյի» տարածքը

1in.am-ը գրում է.

Էդվարդ Սնոուդենը լքել է «Շերեմետևոյի» տարածքը: Այս մասին հայտնում է RIA Novosti-ն՝ հղում կատարելով օդանավակայանի ներկայացուցչին: 

Նա ժամանակավոր ապաստան է ստացել Ռուսաստանում: ՌԴ Դաշնային միգրացիոն ծառայությունը նրան տեղեկանք է տվել, որը թույլ է տալիս նրան հեռանալ «Շերեմետևոյի» տարածքից՝ հաղորդում է «Ռոսիա-24» հեռուստաալիքը:

«Ես հենց նոր նրան փոխանցեցի ՌԴ Դաշնային միգրացիոն ծառայության փաստաթղթերը: Դրանք նրան թույլ են տալիս լքել տարանցման գոտին»,- ասել է նրա փաստաբան Անատոլի Կուչերենան: