Մեզ համար լուրջ խնդիրներ էր ստեղծում Հենրիխ Մխիթարյանը. Դրագովիչ

1in.am-ը գրում է.

Ավստրիացի 22-ամյա պաշտպան Ալեքսանդր Դրագովիչը, ով համալրել է Կիևի «Դինամո»-ի շարքերը, պատասխանել է Hotsport-ի թղթակցի հարցերին:

Առաջին անգամ Դրագովիչն Ուկրաինա էր ժամանել «Աուստրիա»-ի կազմում, որը Եվրոպայի Լիգայի գավաթի խաղարկության խմբային փուլ դուրս գալու համար ուժերն էր չափում Դոնեցկի «Մետալուրգ»-ի հետ:

Դրագովիչը հիշում է, որ դեռ այդ ժամանակ Հենրիխ Մխիթարյանը լուրջ խնդիրների առջև էր կանգնեցնում հակառակորդներին:

« «Մետալուրգ»-ի խաղը շատ էր դուր եկել մեզ: Հիշում եմ, որ մեզ համար լուրջ խնդիրներ էր ստեղծում Հենրիխ Մխիթարյանը, ով տեղափոխվել է Դորտմունդ»,- հայտարարել է Դրագովիչը: