«Լիակատար աջակցությունս ու համերաշխությունս եմ հայտնում Արցախին». Արցախ այցելած իսպանացի պատգամավոր Ջոն Ինարիտու

Իսպանիայի խորհրդարանի պատգաավոր Ջոն Ինարիտուն, ով օրեր առաջ իր գործընկերների հետ միասին այցելել էր Արցախ՝ ծանոթանալու տիրող իրավիճակին, օրեր շարունակ Արցախում գտնվելուց հետո այցելել է Երևան: Իր թվիթերյան էջում կատարել է հետևյալ գրառումը և տեղադրել Արցախում արված լուսանկարներ.

«Արցախում անցկացրած երեք լարված օրերից հետո վերադարձել եմ Երևան: Ես առիթ եմ ունեցել հանդիպելու մի շարք ընկերների, ականատես եմ եղել քաղաքացիական ենթակառուցվածքների փլուզմանը, տուժել քաղաքի հրետակոծության հետևանքով: Լիակատար աջակցությունս ու համերաշխությունս եմ հայտնում Արցախին»: