«Ֆրանսիան պետք է անհապաղ քայլեր ձեռնարկի Ադրբեջանի կողմից արդեն երեք անգամ խախտված հրադադարի ռեժիմը վերականգնելու ուղղությամբ, ճանաչի Արցախի ժողովրդի ինքնորոշման իրավունքը». Ֆրանսիայի խորհրդարանի պատգամավորների նամակը Մակրոնին

Ֆրանսիայի խորհրդարանի պատգամավոր Գի Տեսիեն իր թվիթերյան էջում հրապարակել է նախագահ Մակրոնին 39 պատգամավորի կողմից ուղղված նամակը, որում, մասնավորապես, խոսվում է Արցախի պատմության մասին, նշվում, որ Արցախի բնակչությունը կազմված է հավետ իրենց ազատության համար պայքարող հայերից: Նամակով պատգամավորները կոչ են անում հստակ քայլեր ձեռնարկել հակամարտության լուծման ուղղությամբ: Նամակին կից Գի Տեսիեն կատարել է հետևյալ գրառումը.

«Այսօր ես իմ 39 գործընկերների կողմից ստորագրված նամակ եմ ուղարկել Էմանուել Մակրոնին Լեռնային Ղարաբաղում տիրող իրավիճակի կապակցությամբ: Ֆրանսիան պետք է այսօր դուրս գա հակամարտության չեզոք դիրքից»: