«Աշխարհը շատ ավելի լավը կլիներ, եթե բոլորն ունենային այնպիսի հոգևոր արժեքներ, ինչպիսիք ունեն հայերը». Եվրոպական խորհրդարանի պատգամավոր Ռոբ Ռուս

Եվրոպական խորհրդարանի նիդեռլանդացի պատգամավոր Ռոբ Ռուսն իր թվիթերյան էջում հաջակցություն հայերի տեսանյութ է հրապարակել: Տեսանյութում խոսում է այն մասին, թե որքան կարևոր մշակութային նշանակություն ունեն հայկական տարածքներն աշխարհի համար, և թե որքան ավելի լավը կլիներ աշխարհը, եթե բոլորն ունենային այնպիսի հոգևոր արժեքներ, ինչպիսիք ունեն հայերը: Ռուսը նշում է, մասնավորապես, որ ինքը կանգնած է Հայաստանի կողքին և որպես Եվրոպական Խորհրդարանի պատգամավոր՝ կանի իրենից հասու ամեն ինչ Հայաստանին աջակցելու և ագրեսորներին խստորեն պատժելու համար: 

«Հայերը շատ դժվար ժամանակներ են ապրում: Ես հորդորում եմ ԵՄ-ին խստագույն եղանակով դատապարտել Ադրբեջանի և Թուրքիայի ագրեսիան Հայաստանի դեմ: Տեսանյութում իմ աջակցության խոսքն եմ հայտնում հայ ժողովրդին»: