Համեղ ու օգտակար նախաճաշ մեծերի ու փոքրերի համար

Թե՛ մեծերի, թե՛ փոքրերի համար նախաճաշի հիանալի տարբերակ է թարմ բանանով յոգուրտը, հատկապես, եթե այն պատրաստված է սիրով: Պատրաստել այն պետք է սկսել դեռ երեկոյան, որպեսզի առավոտյան սննդարար և շատ համեղ նախաճաշ ունենաք: Տնական յոգուրտը բարձրացնում է նաև իմունիտետը:

Պատրաստելու համար անհրաժեշտ մթերքներն են

Կաթ 1լ

Յոգուրտ կամ կեֆիր 4 ճ. գդալ

Շաքարավազ 50գ

Բանան 2հատ

Վանիլ մեկ տուփ

Պատրաստման եղանակը.

Սկզբի համար եռացրեք կաթը և թողեք զովանա մինչև 50˚C: Երբ կաթն արդեն զովացել է անհրաժեշտ աստիճանի, զգուշորեն ավելացնում ենք կեֆիրը: Զանգվածը լցնում ենք տարայի մեջ և դնում 50˚ ջերմությամբ ջեռոցի մեջ 4-6 ժամով: Այդ ընթացքում ստուգեք ջերմաստիճանը, որպեսզի ջեռոցում մշտապես տաք լինի:

Կտրատում ենք բանանը, ավելացնում շաքարավազը և հարում բլենդերով այնքան, մինչև շիլայանման զանգված ստացվի: Վրան ավելացնում ենք յոգուրտը, հարում ենք և լցնում բաժակների մեջ: Նախաճաշը պատրաստ է: