Չինաստանի բնակիչներն ասֆալտի վրա խոզի միս են տապակում

1in.am-ը գրում է.

Չինաստանում վերջին 140 տարիների ընթացքում ամենասարսափելի շոգերն են: Ջերմային հարվածից առնվազն 10 մարդ է մահացել: 

Իրենց ահավոր վիճակը ցուցադրելու համար չինացիները փողոցում՝ ասֆալտի վրա խոզի միս են տապակել: Այս մասին հաղորդում է բրիտանական BBC հեռուստաընկերությունը:

Տեսագրությունում երևում է՝ ինչպես են փողոցում դրված խոզի մսի կտորները սկսում կարմրել: Սթեյքերի կողքին մոմեր են դրված: Երբ տեսագրության հեղինակը հանում է դրանք ասֆալտից, երևում է, որ մոմերը ևս զգալիորեն հալվել են:

Հուլիսի 30-ին Շանհայում ջերմաստիճանը նվազել է մինչև 38 աստիճան: Իշխանությունները ջերմային սպառնալիքի «կարմիր» մակարդակը փոխարինել են ավելի ցածրով՝ «նարնջագույնով»: