Ֆելիքս Ցոլակյանն ընդունել է ֆրանսիական հումանիտար կազմակերությունների ներկայացուցիչներին
12:47 , 16 հոկտեմբեր, 2020Այսօր ԱԻ նախարար Ֆ. Ցոլակյանը հանդիպել է ֆրանսիական առողջապահական, հումանիտար մի քանի կազմակերպությունների ներկայացուցիչների հետ։ Այս մասին հայտնում են ԱԻՆ-ից։
Նախարարը բարձր գնահատելով վերջիններիս հումանիտար առաքելությունը՝ նշել է, որ նրանք իրենց այցով կրկին հաստատել են, որ մարդասիրությունը ազգություն և սահմաններ չի ճանաչում։
Հանդիպման ընթացքում քննարկվել են ինչպես պատերազմական, այնպես էլ COVID 19-ի ակտիվացման ներկայիս իրավիճակում անհրաժեշտ օժանդակության հնարավորությունները։