Թուրքիայում 8 սերժանտներ ծառայությունից ազատվել են անչափահասի բռնաբարության համար

1in.am-ը գրում է.

Թուրքիայում զինված ուժերի 8 սերժանտներ ազատվել են ծառայությունից անչափահաս աղջկա նկատմամբ սեքսուալ բնույթի գործողություններ կատարելու մեղադրանքով: 

Ինչպես հայտնում է Trend գործակալությունը, այս մասին լրագրողներին հայտնել է Թուրքիայի ընտանիքի ու սոցիալական քաղաքականության հարցերով նախարար Ֆաթմա Շահինը: 

Ընդ որում՝ նա նշել է, որ սերժանտների գործերն արդեն հանձնվել են դատարան: Տվյալ գործով կատարվում է հետաքննություն: 

Անչափահասի նկատմամբ բռնության փաստը բացահայտվել էր մի քանի ամիս առաջ: Ավելի վաղ Թուրքիայի Բինգել նահանգի 16-ամյա բնակչուհին դիմել էր ոստիկանություն ու հայտարարություն տվել զինվորականների կողմից իր նկատմամբ բռնություն կիրառելու փաստի առնչությամբ: