Siemens-ի ղեկավարը հրաժարական է տվել

1in.am-ը գրում է.

Գերմանական Siemens ընկերության վարչության նախագահ Պետեր Լյոշերը լքում է պաշտոնը: Որոշումը կայացվել է Մյունխենում ընկերության դիտորդական խորհրդի նիստում: Այս մասին ասվում է ընկերության հաղորդագրության մեջ: 

Վերջնական հրաժարականը կհաստատվի հուլիսի 31-ին՝ դիտորդական խորհրդի նիստին: 

Ավելի վաղ Reuters-ը՝ հղում կատարելով աղբյուրին, հայտնել էր, որ դիտորդական խորհրդի անդամները կցանկանային ընկերության ղեկավարի պաշտոնում տեսնել ընկերության ներկայիս ֆինանսական տնօրեն Ջո Կեզերին: 

Ընկերության զարգացման կանխատեսումները 2014-ի համար, որոնք ընկերության խորհրդին ներկայացրել է վերջինիս ղեկավարը, չեն բավարարում առաջադրված նպատակները: 

Ֆրանկֆուրտի ֆոնդային բորսայում ընկերության բաժնետոմսերը արդեն կորցրել են 6%: