ՀՀ Անկախության տոնի առթիվ Արմեն Սարգսյանին շնորհավորել է Սերբիայի նախագահը
17:11 , 26 սեպտեմբեր, 2020168.am-ը գրում է.
Հայաստանի Հանրապետության Անկախության օրվա առթիվ նախագահ Արմեն Սարգսյանին շնորհավորել է Սերբիայի Հանրապետության նախագահ Ալեքսանդր Վուչիչը: Այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից:
Շնորհավորական ուղերձում մասնավորապես ասվում է.
«Սերբիայի Հանրապետության քաղաքացիների և իմ անունից Ձեզ եմ հղում իմ ջերմագին շնորհավորանքներն ու բարեմաղթանքները՝ Հայաստանի Հանրապետության Անկախության օրվա առթիվ:
Լիովին հավատում եմ մեր երկկողմ հարաբերությունների առավել դինամիկ զարգացմանը՝ հիմնված համագործակցությունը բարելավելու փոխադարձ ցանկության, մեր ավանդական մտերմության ու բարեկամության վրա»: