Ալիևն իր ելույթում կրկնեց Հայաստանի հասցեին բոլոր ամբիոններից Ադրբեջանի կողմից հնչեցվող մեղադրանքները, սուտն ու կեղծիքը. Աննա Կարապետյան (Video)
17:34 , 25 սեպտեմբեր, 2020Tert.am-ը գրում է.
Ադրբեջանն այսօր շատ լայնամասշտաբ և մտածված տեղեկատվական արշավ է իրականացնում, որը նման է իրական պատերազմի նախաշեմին ընթացող տեղեկատվական պատերազմի: Եվ մենք դրանում պարտվելու իրավունք չունենք: Այս մասին «Առավոտյան լուրեր Լիլիթ Թումանյանի հետ» հաղորդման «Հայացք. Երկրագունդ» խորագրի ներքո ասել է «Հայացք» վերլուծական կենտրոնի տնօրեն, քաղաքագետ Աննա Կարապետյանը:
«Ադրբեջանի մոտ հռետորաբանության փոփոխություն է նկատվում: Եթե մինչ այդ շատ ագրեսիվ էին հայտարարությունները, Ադրբեջանը սպառնում էր պատերազմով և փորձում էր այդ կերպ ճնշում գործադրել Հայաստանի վրա, այսօր Ադրբեջանը բոլոր հնարավոր հարթակներում, այդ թվում՝ ՄԱԿ-ի բարձր ամբիոնից իրեն փորձում է ներկայացնել զոհի դերում՝ պնդելով, թե Հայաստանը զինյալների է հավաքագրում, ռազմական գործողությունների է պատրաստվում և այլն»,- ասել է նա:
Փորձագետի դիտարկմամբ, այս կերպ Ադրբեջանը փորձում է ֆոն նախապատրաստել, որպեսզի իր կողմից սանձազերծված հնարավոր ռազմական գործողությունների պարագայում բոլորի համար ակնհայտ լինի, որ Հայաստանն էր երկար ժամանակ պատրաստվում պատերազմի և Հայաստանն է մեղավոր ռազմական գործողությունների համար:
Ամբողջական հոդվածը կարող եք կարդալ այստեղ