Որքա՞ն ժամանակ էր ծախսում Բավարիայի թագուհին մազերը հարդարելու համար. արտաքին տեսքն ու մազերը Սիսիի համար մեծ նշանակություն ունեին (Photo)

Էլիզաբեթ Բավարացին, ում անվանում էին նաև Սիսի, իրականում Եվրոպայի ամենագեղեցիկ ու շքեղ թագուհին է եղել, դա նկատելի է նաև իր դիմանկարներից: Պետք է ուշադրություն դարձնենք շատ փոքր, բայց կարևոր մանրուքին՝ մազերին: 

Սիսիի մազերը նման էին առասպելական Ռապունցելին՝ շատ երկար, խիտ և ալիքավոր: Ֆաննի Ֆեյֆալիկը` Սիսսիի վարսահարդարը, տարեկան 2000 գիլդեն էր ստանում` ավելին, քան համալսարանի պրոֆեսորը:

Յուրաքանչյուր վարսահարդարումից հետո Ֆաննին պետք է թափված մազերը դներ արծաթե սկուտեղի վրա, և ցույց տար թագուհուն, թե որքան մազ է թափվել: 

Երբ թագուհին տեսնում էր, որ թափված մազերը չափից շատ են, այդ օրը տրամադրություն չէր ունենում, այդ պատճառով էլ խորամանկ վարսահարդարը սոսնձում էր թափված վարսերը ժապավենի վրա, որպեսզի թագուհին քիչ տխրի: 

Եթե Սիսին նկատում էր այդ խաբկանքը, ապա մեծ իրարանցում էր բարձրացնում: Սակայն վարսահարդարը գիտեր իր առավելությունները թագուհու մոտ և հաջորդ օրը հիվանդ էր ձևանում: Քանի որ Սիսին իր վարսերը մեկ այլ մարդու չէր վստահում, ամեն վեճից հետո գնում էր վարսահարդարի մոտ և ներողություն էր խնդրում: 

Իսկ եթե Ֆաննին իրականում հիվանդ էր, ապա Սիսին հրաժարվում էր մասնակցել պաշտոնական միջոցառումներին, քանի դեռ իր մազերը պատրաստ չեն:

Վարսահարդարն ամեն օր երեք ժամ էր ծախսում թագուհու մազերը հարդարելու համար: Երեք շաբաթը մեկ Սիսին լվանում էր իր մազերը հում ձվի և կոնյակի հատուկ խառնուրդով, մազերը պարբերաբար խոնավեցնում էին կոկոսի և ընկույզի յուղերով:

Որպեսզի չորացնեին այդ հաստ մազերը, Սիսին հագնում էր անջրանցիկ թիկնոցը և մի քանի ժամ սպասում էր, որ մազերն ամբողջովին չորանան: Իզուր ժամանակ չկորցնելու համար այդ պահին նա կարդում կամ նամակներ էր գրում:

Նրա մազերն այնքան ծանր էին, որ կայսրուհին պարբերաբար տառապում էր գլխացավերից: Բավարիայի թագուհին մեծ ուշադրություն էր դաձնում իր արտաքին տեսքին և հատկապես մազերին: