Էս ո՞նց եք աշխատում. Գորգիսյանը՝ փոխնախարարին
13:38 , 22 սեպտեմբեր, 2020Panorama.am-ը գրում է․
«Եթե մենք չունենք կոնկրետ կարիքավոր անձանց ցուցակ, ինչպե՞ս պետք է իրագործենք այս նախագիծը։ Եվ բացի այդ, եթե օրենքը 2021 թվականի հունվարին ուժի մեջ մտնի, շենքային պայմաններն արդյո՞ք հնարավորություն են տալու, որ այդ մեկ պատուհանի սկզբունքը գործի»,- խորհրդարանում նման հարց հնչեցրեց ԱԺ «Լուսավոր Հայաստան» խմբակցության պատգամավոր Սրբուհի Գրիգորյանը՝ դիմելով աշխատանքի և սոցիալական հարցերի փոխնախարար Աննա Ժամակոչյանին։
Հիշեցնենք, որ վերջինս խորհրդարանին էր ներկայացրել «Սոցիալական աջակցության մասին» օրենքում փոփոխություններ կատարելու մասին օրենքի նախագիծը, ըստ որի՝ Կառավարությունն առաջարկում է սոցիալական ծառայություն մատուցող կառույցի՝ Ինտեգրված սոցիալական ծառայությունների պետական գրասենյակի ստեղծումը հետաձգել մինչև 2021 թվականի հունվարի մեկը։
Պատասխանելով պատգամավորի հարցին՝ Աննա Ժամակոչյանը նշեց, որ հենց այս ծրագրով իրականացվում է վերոնշյալ խնդիրների լուծումը.
«Մեկ ընդհանուր սոցիալական ծառայությունների համալիր մարմին ենք ստեղծում, և այս բարեփոխման շրջանակում իրականացնում ենք տարածքային մարմինների հիմնանորոգում, և ժամանակացույցի համաձայն, ունենալու ենք 49 վերանորոգված տարածքներ, որտեղ գործելու են նոր մարմինները»։
Ամբողջական հոդվածը կարող եք կարդալ այստեղ։