Ինչպե՞ս էին վերաբերվում Ցարական Ռուսաստանում վարձու կերակրող մայրերին. ինչպե՞ս էին նրանք ընտրվում և ի՞նչ հարաբերություններ ունեին երեխաների հետ (Photo)

Թագավորական ընտանիքներում երեխա ունենալուց հետո մայրերը սովորաբար չէին կերակրում իրենց երեխաներին, փոխարենը նրանք վարձում էին կերակրող կանանց, բայց այդ կանայք պետք է լինեին քրիստոնյա ընտանիքներից: Ազնվական ծնողները կարծում էին, որ գյուղի կանայք մաքուր գենետիկայի կրողներ են, ինչը կաթի հետ միասին փոխանցվում է իրենց երեխաներին:

Նրանց երեխաների բոլոր կերակրողները գյուղից էին: Նախքան նրանց պալատում աշխատանքի կվերցնեին, ծնողները նրանց առջև պայմաններ էին դնում: Արգելված էր քաղաք դուրս գալ և տեսնել իրենց բարեկամներին: Յուրաքանչյուր կերակրող  մոր վճարվում էր լավ աշխատավարձ, նպաստ էր հատկացվում նոր խրճիթ կառուցելու և տնտեսության զարգացման համար, իսկ առաքելության ավարտից հետո պարտադիր վճարվում էր միանվագ գումար:

Չնայած որ կրծքով կերակրելուց հետո այդ կանայք պետք է լքեին պալատը, նրանք կարող էին երեխայի մոտ այցելության գալ տոների ժամանակ: Նախկին կերակրող մայրերի այցելությունները պալատում մեծ ուրախություն էր: Սկզբում պատվարժան հյուրերին տալիս էին երկար զգեստներ, որպեսզի հագնեն, այնուհետև նրանց ողջունում էին թագավորն ու թագուհին, դրանից հետո կանանց ուղեկցում էին երեխաների մոտ: Յուրաքանչյուր կերակրողի համար առանձին նվեր էր պատրաստված, իսկ Սուրբ ծննդի ժամանակ կերակրող մայրերն իրենց նվերը պետք է գտնեին եղևնու տակ:

Ալեքսանդր III-ի որդին իր օրագրերում հիշում է, որ իր ծեր կերակրողի համար թագավորն ինքը նվեր էր դնում տոնածառի տակ: Այդ կնոջ և Ալեքսանդր III-ի միջև կային վստահելի հարաբերություններ: Նրանք շատ անմիջական էին միմյանց հետ, հաճախ իրենց գաղտնիքներով կիսվում էին շշուկով և նույնիսկ երբեմն վիճում էին: Կյանքի վերջին տարիներին Ալեքսանդր Երրորդը բարի խոսքերով էր հիշում իրեն կերակրող կնոջը: