Երևանում 26-ամյա երիտասարդը մեղադրվում է ծանոթուհուն առևանգելու և բռնաբարելու մեջ
13:23 , 27 հուլիս, 2013
Pastinfo.am-ը գրում է.
Այսպես, Երևանի 26-ամյա բնակիչ, նախկինում դատված Հովհաննես Հովհաննիսյանը մեղադրվում է ՀՀ քրեական օրենսգրքի երկու հոդվածներով՝ 131-րդ հոդվածի երկրորդ մասի երրորդ կետով՝ որպես զենք օգտագործվող առարկայի գործադրմամբ՝ մարդուն առևանգելը, և 138-րդ հոդվածի առաջին մասով՝ բռնաբարությունը:
Ըստ մեղադրական եզրակացության, Հ.Հովհաննիսյանը 2013թ. մարտի 11-ին, ինչպես ասում են` «օրը ցերեկով», ժամը 14:00-ի սահմաններում՝ տեսնելով փողոցում միայնակ քայլող իր ծանոթուհուն, նրան առևանգելու նպատակով իր տրամադրության տակ գտնվող ավտոմեքենայից վերցրել է պտուտակահանը, այն սեղմել կնոջ մեջքին՝ որպես զենք, բռնություն գործադրելով և բռնություն գործադրելու սպառնալիքով վերջինիս կամքին հակառակ նստեցրել է ավտոմեքենան: Ապա տուժողին ծեծի ենթարկելով՝ տեղափոխել է Նուբարաշենի տարածքում գտնվող ամայի տարածք և ավտոմեքենայի սրահում կնոջ կամքին կամքին հակառակ, բռնություն գործադրելով և սպառնալիքներ հասցնելով սեռական հարաբերություն է ունեցել նրա հետ: