«Աշխարհին սպառնում է աննախադեպ տնտեսական ճգնաժամ, որը համեմատելի է 1930-ականների Մեծ ճգնաժամի հետ». ՄԱԿ
00:37 , 12 սեպտեմբեր, 2020Կորոնավիրուսի համավարակի պատճառով աշխարհին սպառնում է աննախադեպ տնտեսական ճգնաժամ, որը համեմատելի է 1930-ական թվականների Մեծ ճգնաժամի հետ, ասված է Միավորված ազգերի կազմակերպության զեկույցում:
Կանխատեսման համաձայն՝ ամբողջ աշխարհում 176 մլն մարդ աղքատության եզրին է կանգնած։
Նշվում է, որ համաճարակի ժամանակ քաղաքացիներին աջակցելու համար ձեռնարկվող միջոցները բավարար չեն։
ՄԱԿ-ի ներկայացուցիչ Օլիվիե Դե Շուտերը պետություններին կոչ է արել ավելի վճռական քայլեր ձեռնարկել աղքատության և անհավասարության վերացման համար, քանի որ ըստ նրա՝ ներկա իրավիճակում լուրջ ճգնաժամն անխուսափելի է, իսկ դրա հետևանքները լրջորեն կազդեն մարդկության վրա:
Նշվում է, որ ամբողջ աշխարհում շատ ընտանիքներ արդեն իսկ ծախսել են իրենց խնայողությունները և գտնվում են աղետալի վիճակում։