Բեյրութի նավահանգստի պայթյունից հետո Լիբանանում Դոնորների համակարգման հարթակ են գործարկում
15:28 , 28 օգոստոս, 2020Regionmonitor.com-ը գրում է․
Լիբանանի վարչապետի պաշտոնակատար Հասան Դիաբը նախագահել է երկու հանդիպում՝ նվիրված Բեյրութի նավահանգստի աղետի հետևանքների հաղթահարմանն աջակցող երկրների ու կառույցների համար Դոնորների համակարգման հարթակի ստեղծմանը:
Հանդիպումներին, ի թիվս այլ դիվանագետների, ներկա էր նաև Լիբանանում ՀՀ դեսպան Վահագն Աթաբեկյանը:
Դիաբը նշել է, որ պաշտոնապես գործարկել են Դոնորների համակարգման հարթակը, որն իր տեսակի մեջ առաջինն է պետական մակարդակով՝ դոնորների միջև սինխրոնիզացիան օպտիմալացնելու, արձագանքման արագությունը բարձրացնելու և թափանցիկություն ապահովելու համար:
Լիբանանի Պաշտպանության նախարարի պաշտոնակատար Զեյնա Աքարն էլ իր հերթին նշել է, որ հարթակը ապահովելու է լիարժեք թափանցիկություն օգնության առաքման և բաշխման վերաբերյալ, մասնագիտացված ընկերությունների կողմից աուդիտ է անցկացվելու, որպեսզի բոլորը համոզվեն, որ ամեն ինչ ընթանում է ըստ նախատեսվածի: