Լարված վիճակ. Ակտիվիստները պահանջում են Տ.Մարգարյանի հետ հանդիպում

Panorama.am-ը գրում է.

«Չենք վճարելու 150 դրամ» նախաձեռնության ակտիվիստները կրկին ակցիա են կազմակերպել Երևանի քաղաքապետարանի մոտ` պահանջելով ոչ թե տրանսպորտի գնի թանկացման որոշման ժամանակավոր կասեցում, այլ ընդհանրապես որոշման վերացում: Բացի այս, ակտիվիստները պահանջում են քաղաքապետարանի տրանսպորտի վարչության պետ Հենրիկ Նավասարդյանի և «Երևանտրանս» ՓԲԸ տնօրեն Միսակ Հարությունյանի հրաժարականը: 

Հիշեցնենք, նախօրեին Երևանի քաղաքապետ Տարոն Մարգարյանը իր ուղերձում նշել էր, որ ժամանակավոր կասեցնում է տրանսպորտի գնի բարձրացման որոշումը` վերադառնալով 100 դրամի:

Հարկ է նշել, որ ակտիվիստների պահանջների ցանկում կա ևս մեկը` առաջիկա յոթ օրերին տրանսպորտի գինը էժանացնել ևս 50 դրամով, ինչը կդիտվի որպես փոխհատուցում, քանի որ վերջին օրերին երևանցիները 150 դրամ են վճարել տրանսպորտի սպասարկման դիմաց: 

Ամբողջական հոդվածը կարող եք կարդալ այստեղ