«Ժողովուրդ». ԼՂՀ փոխվարչապետ Արթուր Աղաբեկյանը դուրս է եկել ՀՅԴ հայաստանյան կառույցից

«Ժողովուրդ» օրաթերթը գրում է.

«Հայաստանի Հանրապետության Ազգային ժողովի «Հայ հեղափոխական դաշնակցություն» խմբակցության նախկին պատգամավոր, այժմ Լեռնային Ղարաբաղի Հանրապետության փոխվարչապետ Արթուր Աղաբեկյանը դուրս է եկել «Հայ հեղափոխական դաշնակցության» հայաստանյան կառույցից։ Այդ մասին «Ժողովուրդ»–ի թղթակցի հետ զրույցում ասաց պարոն Աղաբեկյանը։

Նա բացատրեց, որ ոչ թե կուսակցությունից է դուրս եկել, այլ այն բանից հետո, երբ նշանակվել է ԼՂՀ փոխվարչապետ, դարձել է «Հայ հեղափոխական դաշնակցության» Ղարաբաղի կառույցի անդամ։ «Ես փոխանցագիր եմ ստորագրել, որ արդեն «Հայ հեղափոխական դաշնակցության» ԼՂՀ կառույցի անդամ եմ»,–ասաց Աղաբեկյանը՝ այդ փոփոխությունը պայմանավորելով իր աշխատանքով»,–գրում է թերթը։

Մանրամասները՝ թերթի այսօրվա համարում: