Հռոմի պապը ստացել է Ռիո դե Ժանեյրոյի բանալիները և օրհնել է Օլիմպիադայի դրոշը

1in.am-ը գրում է.

Հռոմի պապ Ֆրանցիսկոսը, ով Բրազիլիայում մասնակցում է Երիտասարդության համաշխարհային օրվան նվիրված տոնակատարություններին, հինգշաբթի ստացել է Ռիո դե Ժանեյրո քաղաքի բանալիները և օրհնել է 2016 թ. կայանալիք Օլիմպիական խաղերի դրոշը: Այս մասին հաղորդում է RIA Novosti-ն` վկայակոչելով լատինամերիկյան ԶԼՄ-ները:

Պոնտիֆիկին բանալիներ հանձնելու արարողությունը տեղի է ունեցել Քաղաքային պալատում Ռիոյի քաղաքապետի, տեղի իշխանությունների, քաղաքական գործիչների, հասարակական կազմակերպությունների ներկայությամբ:

Ստանալով բանալիները` պոնտիֆիկն օրհնել է բոլոր ներկա գտնվողներին, ինչպես նաև՝ Ռիո դե Ժանեյրոյում կայանալիք Օլիմպիական խաղերի դրոշը։