Լանա Դել Ռեյը երգ է գրել Լեդի Գագայի հանդեպ ունեցած ատելության մասին

1in.am-ը գրում է.

Արվեստի գլուխգործոցներ ստեղծելուն մարդկանց կարող է դրդել և՛ ուժեղ սերը, և՛ ատելությունը: Այս իմաստով Լանա Դել Ռեյի մուսան է դարձել Լեդի Գագան: Երգչուհիները որոշ ժամանակ արդեն նույն մենեջերի հետ են աշխատում, սակայն դա նրանց ընկերությանը չի օգնում: Ընդհակառակն, օրերս համացանցում է հայտնվել Լանայի So Legit հիթը, որը պատմում է այն մասին, թե ինչքան է նա ատում Լեդի Գագային: 
YouTube-ից Universal Music Group-ի խնդրանքով ձայնագրությունը հեռացվել է, սակայն համացանցում դեռ կարելի է լսել այն, ինչպես նաև ծանոթանալ տեքստի բովանդակությանը, որտեղ երգչուհին իր անհանգստությունն է արտահայտում այն մասին, թե ինչպես է Գագան ազդում մարդկանց վրա: 
Իր կոլեգայի և մրցակցի հաջողությունները Լանային հանգիստ չեն տալիս: 
Լեդի Գագան իր անձի նկատմամբ ուշադրության այս դրսևորմանն առայժմ չի արձագանքնել: