Հայ-ադրբեջանական սահմանին հարաբերական անդորրը պահպանվել է, հայկական դիրքերի ուղղությամբ արձակվել է շուրջ 95 կրակոց․ ՊՆ
10:09 , 3 օգոստոս, 2020Օգոստոսի 2-ի լույս 3-ի գիշերը և այսօր առավոտյան հայ-ադրբեջանական պետական սահմանին պահպանվել է հարաբերական անդորր։
Այս մասին հայտնում են Պաշտպանության նախարարությունից։
«Ադրբեջանական կողմը հրաձգային զինատեսակներից խախտել է կրակի դադարեցման ռեժիմը 8 անգամ` հայկական դիրքերի ուղղությամբ արձակելով շուրջ 95 կրակոց:
Կոթիի ուղղությամբ տեղակայված մարտական դիրքերի հատվածում` 2 անգամ:
Զանգակատան ուղղությամբ տեղակայված մարտական դիրքերի հատվածում` 6 անգամ
Ինչ վերաբերում է օդային իրադրությանը, ապա շրջանառվող տեղեկությունը իրականությանը չի համապատասխանում»,-ասված է հաղորդագրության տեքստում։
Հիշեցնենք, որ որոշ լրատվամիջոցներով տեղեկություն էր տարածվել, թե թուրքական F16 կործանիչները մոտեցել են հայկական սահմանին։