Ցավում եմ, որ Հենրիխ Մխիթարյանը չի կարող մասնակցել «Բավարիա»-ի դեմ հանդիպմանը. Ցորկ

1in.am-ը գրում է.

Դորտմունդի «Բորուսիա»-ի մարզական տնօրեն Միխայել Ցորկն իր կարծիքն է հայտնել Գերմանիայի Սուպերգավաթի խաղարկության շրջանակներում կայանալիք Մյունխենի «Բավարիա»-ի դեմ հանդիպման մասին:

«Անհամբերությամբ եմ սպասում այդ հետաքրքիր հանդիպմանը: Մենք ցանկանում ենք նվաճել առաջին տիտղոսը մրցաշրջանում: Այնպես որ հանդես կգանք ոչ թե երկրորդ, այլ առաջին կազմով:

Ցավում եմ, որ Լուկաշ Պիշչեկն ու Հենրիխ Մխիթարյանը չեն կարող մասնակցել հանդիպմանը»,- ասել է Ցորկը:

Հավելենք, որ Գերմանիայի Սուպերգավաթի խաղարկության «Բավարիա»-«Բորուսիա» հանդիպումը կկայանա հուլիսի 27-ին: