Պրահայում հայերի և ադրբեջանցիների միաժամանակ տեղի ունեցած ցույցերն անցել են առանց միջադեպերի
20:08 , 27 հուլիս, 2020Armenpress.am-ը գրում է․
Չեխիայի Հայ երիտասարդական միությունն ադրբեջանական ագրեսիայի առնչությամբ Պրահայում՝ Ադրբեջանի դեսպանության դիմաց հուլիսի 24-ին անցկացրել է խաղաղ հավաք։ Նույն տեղում միաժամանակ անցկացվել է նաև Չեխիայում ադրբեջանական համայնքի հավաքը, որի մասնակիցները կանգնած են եղել հենց դեսպանության դիմաց։ Երկու հավաքների միջև առկա է եղել ոստիկանության կողմից հսկվող բուֆերային տարածք։
«Արմենպրես»-ի հաղորդմամբ՝ չնայած ադրբեջանական ցույցի մասնակիցները քանակապես խիստ գերազանցել են հայկական ցույցի մասնակիցներին և հստակ երևացել է, որ վերջիններիս հավաքել և ուղղորդում է դեսպանությունը, այնուամենայնիվ, նույնիսկ փոքրաթվ հայ երիտասարդները կարողացել են ուշադրություն գրավել՝ հանդես գալով առանձնապես խաղաղության կոչերով և կատարելով հայ ազգային հայրենասիրական երգեր և պարեր, այդ թվում՝ քոչարի։
Ադրբեջանական ցույցի մասնակիցները թափահարել են նաև Թուրքիայի դրոշը և պարբերաբար աղաղակել՝ «Turkiye»: Ադրբեջանական ցույցին մասնակցել է նաև Չեխիայում Թուրքիայի դեսպանը։ Ցույցերն անցել է առանց միջադեպերի։