«Տիտանիկ» նավում հայտնաբերված 15 զարմանալի գանձ
16:51 , 24 հուլիս, 20131916թ.-ի հուլիսի 3-ին (97 տարի առաջ) տեղի է ունեցել «Տիտանիկ» շոգենավի նավաբեկության հարցով դատավարությունը: Այս հայտնի նավի խորտակումը դարձել է պատմության մեջ ամենամասշտաբային նավաբեկություններից մեկը: Տիտանիկը խորտակվել է իր առաջին իսկ ճանապարհորդության ժամանակ` 1912թ.-ին` ապրիլի 14-ի, լույս 15-ի գիշերը: Նավի վրա եղել է 2208 մարդ: Ողջ է մնացել միայն 704-ը:
Դատավարության արդյունքում հաստատվել էր, որ նավը խորտակվել է սառցաբեկորի հետ բախման արդյունքում՝ սահմանված արագությունը խախտելու պատճառով: Գործը փակվեց, բայց կասկածները և բազմաթիվ հարցեր` կապված այսպիսի անխորտակելի նավի նավաբեկության հետ, դեռ շարունակում էին մտահոգել:
Այս հարցերի պատասխանները գտնվեցին 1980-ական թվականներին, երբ ծովագնաց Ռոբերտ Բալլարդը գտավ նավի մասնիկները և հայտնաբերեց, որ իրականում շոգենավը մինչև խորտակվելը բաժանվել էր երկու մասի:
Երբ նավի որոշ մասեր հանվեցին ջրի տակից, գիտնականները առաջ քաշեցին մի փաստարկ, ըստ որի` «Տիտանիկը» կառուցվել էր ցածրորակ պողպատից: Բայց այդ կասկածները չհաստատվեցին: Ցածրորակ են եղել ամրակները, մետաղական կապոցները, որոնք կապում էին իրար «Տիտանիկի» տախտակամածները:
Եթե «Տիտանիկի» վրա դրված բոլոր ամրակները պատրաստված լինեին բարձորակ պողպատից, ապա 99%-ով հնարավոր կլիներ խուսափել ողբերգությունից:
Ահա այսպես է բացահայտվել «Տիտանիկի» խորտակման գլխավոր գաղտնիքը: Բայց նավն իր հետ օվկիանոսի հատակ էր տարել ոչ միայն այս գաղտնիքը: Բացի նավի մնացորդներից` սուզորդներն օվկիանոսի հատակից մի շարք իրեր գտան, որոնք դարձան հանրության սեփականությունը, իսկ ավելի ուշ վաճառվեցին աճուրդի ժամանակ:
Իլյումինատոր «Տիտանիկից»
Ճենապակյա բաժակ առաջին դասի ուղևորի համար
Ճենապակի՝ երրորդ դասի ուղևորների և անձնակազմի համար
Ճենապակի՝ առաջին դասի ուղևորի համար
Ուղևորներից մեկի ադամանդյա մատանին
Լոգոմետր՝ «Տիտանիկի» արագությունը չափելու համար
Նավի հեռագրող սարքը
Առաջին դասի ուղևորի գործած ոսկե դրամապանակ
Հեռադիտակ նավապետի կամրջակից
Ճարմանդների հավաքածու
Ոսկե գդալ
Երկրորդ դասի տոմս
Լամպ առաջին դասի սրահից
Ոսկե թևնոց ադամանդներով` «Էմի» անունով
