ԲԴԽ-ն մերժեց դատավոր Ալեքսանդր Ազարյանին կարգապահական պատասխանատվության ենթարկելու` արդարադատության նախարարի միջնորդությունը
14:22 , 9 հուլիս, 2020168.am-ը գրում է․
Հունիսի 25-ին ավարտվեց Հատուկ քննչական ծառայության (ՀՔԾ) պետ Սասուն Խաչատրյանի հաղորդման հիման վրա ՀՀ Վերաքննիչ դատարանի դատավոր Ալեքսանդր Ազարյանի նկատմամբ հարուցված և հունիսի 18-ին ընդհատված կարգապահական վարույթի քննությունը, և ԲԴԽ նախագահ Ռուբեն Վարդազարյանը հայտարարեց, որ միջնորդության քննությունը համարվում է ավարտված, և Խորհուրդն իր կայացրած ակտը կհրապարակի հուլիսի 9-ին, ժամը 14:10-ին:
Այս պահին Բարձրագույն դատական խորհուրդը հրապարակում է դատավոր Ազարյանի հարցով վճիռը:
Նիստը սկսվելուն պես ԲԴԽ նախագահ Ռուբեն Վարդազարյանը հրապարակեց ԲԴԽ վճռի եզրափակիչ մասը, ըստ որի` արդարադատության նախարաի միջնորդությունը դատավոր Ալեքսանդր Ազարյանին կարգապահական պատասխանատվության ենթարկելու վերաբերյալ մերժել:
Խորհրդի նիստը համարվեց փակված: