Ապրիլից հունիս ընկած ժամանակահատվածում Apple-ի եկամուտը նվազել է 1.9 մլրդ դոլարով

1in.am-ը գրում է.

Ամերիկյան Apple ընկերության ղեկավար Թիմ Կուկը երեքշաբթի օրը ֆինանսական հաշվետվություն է ներկայացրել տվյալ ֆինանսական տարվա երրորդ եռամսյակի (ապրիլից հունիս) վերաբերյալ: Եկամուտը՝ համեմատած նախորդ տարվա միևնույն ժամանակաշրջանի հետ, նվազել է 1.9 մլրդ դոլարով և կազմել 6.9 մլրդ դոլար, հաղորդում է ITAR-TASS-ը:

Տարեկան շահույթի ցուցանիշները, սակայն, հուսադրող էին՝ գրանցվել է 35.6 մլրդ դոլարի ընդհանուր եկամուտ: Ընկերության կապիտալիզացիան կազմում է 415.7 մլրդ դոլար, ինչը կորպորացիան դարձնում է ամենաթանկն աշխարհում:

Ներդրողներն անհանգստություն են հայտնել՝ նորույթների վերաբերյալ նորությունների բացակայության պատճառով: Թիմ Կուկն էլ, իր հերթին, հայտարարել է, որ վաճառքում նոր սարքեր կլինեն արդեն 2013թ. աշնանը: